Iemand wat deur God se genade gered is van die straf van sonde en deur God self regverdig gemaak is, is niks meer as ’n pasgebore babatjie nie. Kan jy jouself ’n ma indink wat tuis kom met haar pasgebore baba en hierdie babatjie op ’n toer deur sy/haar nuwe tuiste neem met instruksies soos: “Jy is nou deel van ons gesin, maak jouself tuis deur jouself te help met vars melk in die yskas ... jou nuwe en skoon klere aan te trek ... ens “ Dit kan nie gebeur nie! Hierdie baba is afhanklik van die ma vir voeding, versorging en beskerming.

Dalk het jy pas die Here Jesus leer ken en vra die vraag: “Wat nou?” of

Jy ken dalk die Here Jesus al baie lank, maar voel steeds soos ’n pasgebore baba in jou geloofslewe.
 

Saligmaking, regvedigmaking of verlossing van die straf van sonde is maar net die begin van ’n lewe van gehoorsaamheid aan God. Om te kan groei in jou persoonlike verhouding met die Here Jesus, is dit belangrik dat jy streef daarna om Hom elke dag beter te leer ken. Dit beteken dat jy tyd moet inruim om alleen met God deur te bring. Dit vereis self-dissipline en deursettingsvermoë.
 

Perisos nooi jou uit om deel te neem aan ons Bybelstudie vir Tieners - begin sommer vandag en laai ons Bybelstudie Materiaal hier af!